علاش تبليت بالريكبي 
ليوما عادي نعاود ليكم التجربة ديالي مع هاد الرياضة و مع فريق شباب آسفي للريكبي خاصة .
فالصراحة هادي 3 سنين قبل كنت بحالي بحال بزاف منكم كانقول آش داك الريكبي غير بنادم كايتعابز و يضارب بلا فايدة ... حتى لواحد النهار مشيت صورت واحد الماتش ديال نادي شباب آسفي للريكبي ضد وداد قلعة السراغنة و عطيتو لرئيس الفريق و من بعد رحب بيا و قال ليا يالاه معانا للماتش الجاي و بالفعل مشيت معاهم و حضرت لأجواء السفر و الأومبيونس لي كان فالطريق و شفت كيفاش أن كاع اللاعبينمحتارمين بعض و عايشين بحال العائلة ..و لكن لي جرني أكثر هو ملي عرفت باللي دوك اللاعبين كيلعبو بدون أي مقابل مادي و كاياكلو لعصا و باغين يربحو رغم هادشي و كامل و أكثر من ذلك عرفت حقيقة أخري لي زادت خلاتني نتعجب اكثر و هي أن المكتب المسير للفريق كيكمل من جيبو باش يديبلاساو و ياكلو اللعابة إلخ ... هادشي خلاني باغي نعرف و باغي نحضر مع هاد الناس أكثر . المهم بديت كانجي للتداريب كنصورهم و شويا قالو لي خاصك تريني معانا و بالفعل ملي شفت دوك الأجواء فالتداريب و داك المرح و التآخي بين اللاعبين بغيت نكون حتى أنا معاهم و بديت كانتريني معاهم و بديت كانفهم شوية قوانين اللعبة و شحال من حاجة !! و من بعد تبدلات ديك الصورة المغلوطة لي كنت واخد على هاد الرياضة .. أول حاجة كتاشفت باللي أن هاد الرياضة كتعتامد على اللعب الجماعي بشكل كبير بحيت أن 15 لاعب كاملين خاصهم يخدمو مع بعض و بتفاهم باش يسجلو و يتفداو يتسجل عليهم و زيد و زيد و صافي بقيت تانتريني و من بعد جبت وراقي و وليت باغي نلعب حتى أنا و عرفت بزاف على هاد اللعبة من بعد دازت 3 سنين لقيت باللي أن رياضة الريكبي هي الرياضة الجماعية الوحيدة لي أي واحد يقدر يلعبها و أي واحد عندو دور فالفريق بحيت أني الطويل عندو دور و القصير تاهو و الغليظ و الرقيق و الخفيف ... و لقيت باللي هاد الرياضة ماكاتعتامدش على شي لاعب نجم فالفريق بحيت أن أي واحد يقدر يكون نجم فأي لحضة و لكن كايبقا اللعب الجماعي و مساندة اللاعبين لبعض فالماتش هي النجم و هاد شي كيدل على أنها رياضة عادلة بزاف و حتي فالقوانين ديالها عادلة بحيت أنها واخا تخرج الكرة للشرط تاتعطا الفرصة للفريقين بجوج باش ياخدو الكرة ... و زيد و زيد ... و أيضا اللاعبين واخا كايتقاتلو و يضاربو وسط الماتش غير كيسالي كيبدا السلام و الضحك بين الفريقين الخاسر و الرابح حيت أن أي واحد كانت فيه شي طاقه سلبية راه كيخرجها وسط الماتش حيت الريكبي هو " المشاجرة بشكل قانوني " هههههه
ملي عرفت هاد الحوايج تدكات فيا الشوكة حتى أنا وو ليت باغي نلعب و نتقاتل على الدرابو ديال الفرقة و السمية ديال المدينة واخا ماعامرني لعبت هههههههه و لكن كانحاول نساهم مع الفريق بالفيديوهات و التصاور و نديبلاسا معاهم و نشجعهم حيت دون الناس كيستاهلو هادشي و أكثر... ناس كاتقاتل بدون مقابل مادي و همهم الوحيد هو إسم المدينة .
حاولت نختاصر ليكم هادشي و ماقلتش بزاف و واخا نكتب جريدة ماغاتحسوش بهادشي حتى تدككم الشوكة ديال الريكبي
Othmane Bahour
ليوما عادي نعاود ليكم التجربة ديالي مع هاد الرياضة و مع فريق شباب آسفي للريكبي خاصة .
فالصراحة هادي 3 سنين قبل كنت بحالي بحال بزاف منكم كانقول آش داك الريكبي غير بنادم كايتعابز و يضارب بلا فايدة ... حتى لواحد النهار مشيت صورت واحد الماتش ديال نادي شباب آسفي للريكبي ضد وداد قلعة السراغنة و عطيتو لرئيس الفريق و من بعد رحب بيا و قال ليا يالاه معانا للماتش الجاي و بالفعل مشيت معاهم و حضرت لأجواء السفر و الأومبيونس لي كان فالطريق و شفت كيفاش أن كاع اللاعبينمحتارمين بعض و عايشين بحال العائلة ..و لكن لي جرني أكثر هو ملي عرفت باللي دوك اللاعبين كيلعبو بدون أي مقابل مادي و كاياكلو لعصا و باغين يربحو رغم هادشي و كامل و أكثر من ذلك عرفت حقيقة أخري لي زادت خلاتني نتعجب اكثر و هي أن المكتب المسير للفريق كيكمل من جيبو باش يديبلاساو و ياكلو اللعابة إلخ ... هادشي خلاني باغي نعرف و باغي نحضر مع هاد الناس أكثر . المهم بديت كانجي للتداريب كنصورهم و شويا قالو لي خاصك تريني معانا و بالفعل ملي شفت دوك الأجواء فالتداريب و داك المرح و التآخي بين اللاعبين بغيت نكون حتى أنا معاهم و بديت كانتريني معاهم و بديت كانفهم شوية قوانين اللعبة و شحال من حاجة !! و من بعد تبدلات ديك الصورة المغلوطة لي كنت واخد على هاد الرياضة .. أول حاجة كتاشفت باللي أن هاد الرياضة كتعتامد على اللعب الجماعي بشكل كبير بحيت أن 15 لاعب كاملين خاصهم يخدمو مع بعض و بتفاهم باش يسجلو و يتفداو يتسجل عليهم و زيد و زيد و صافي بقيت تانتريني و من بعد جبت وراقي و وليت باغي نلعب حتى أنا و عرفت بزاف على هاد اللعبة من بعد دازت 3 سنين لقيت باللي أن رياضة الريكبي هي الرياضة الجماعية الوحيدة لي أي واحد يقدر يلعبها و أي واحد عندو دور فالفريق بحيت أني الطويل عندو دور و القصير تاهو و الغليظ و الرقيق و الخفيف ... و لقيت باللي هاد الرياضة ماكاتعتامدش على شي لاعب نجم فالفريق بحيت أن أي واحد يقدر يكون نجم فأي لحضة و لكن كايبقا اللعب الجماعي و مساندة اللاعبين لبعض فالماتش هي النجم و هاد شي كيدل على أنها رياضة عادلة بزاف و حتي فالقوانين ديالها عادلة بحيت أنها واخا تخرج الكرة للشرط تاتعطا الفرصة للفريقين بجوج باش ياخدو الكرة ... و زيد و زيد ... و أيضا اللاعبين واخا كايتقاتلو و يضاربو وسط الماتش غير كيسالي كيبدا السلام و الضحك بين الفريقين الخاسر و الرابح حيت أن أي واحد كانت فيه شي طاقه سلبية راه كيخرجها وسط الماتش حيت الريكبي هو " المشاجرة بشكل قانوني " هههههه
ملي عرفت هاد الحوايج تدكات فيا الشوكة حتى أنا وو ليت باغي نلعب و نتقاتل على الدرابو ديال الفرقة و السمية ديال المدينة واخا ماعامرني لعبت هههههههه و لكن كانحاول نساهم مع الفريق بالفيديوهات و التصاور و نديبلاسا معاهم و نشجعهم حيت دون الناس كيستاهلو هادشي و أكثر... ناس كاتقاتل بدون مقابل مادي و همهم الوحيد هو إسم المدينة .
حاولت نختاصر ليكم هادشي و ماقلتش بزاف و واخا نكتب جريدة ماغاتحسوش بهادشي حتى تدككم الشوكة ديال الريكبي
Othmane Bahour
لا يوجد تعليقات
أضف تعليق