مهم هاد كتاب واعر لواحد درجة مكتصورش و حتا لكاتب ديالو تبارك الله عليه, هاد كتاب اغلبية ديال ناس لي قراوه كايقولو بلي راه ديال بنادم لي شرير هو لي غادي يعجبو هاد نوع ديال كتوبا ليحقاش مافيهش شيحاجة سميتها رحمة او فيه الغدر او الشر المطلق، لكاتب كيآمن بلي يلا عندك واحد لهدف خاصك توصل ليه ب إي طريقة كيكانت خايبة ولا مزيانة ، او تفكر غير فراسك بوحدك ،هاد الكتاب كيحطك فالواقع ديال الانسان ؛ فيه دوروس سلبية و ايجابية ديال كيفاش تعامل مع الانسان الاخر ،او كايخليك تشوف البشر فالواقع ديالهم ماشي كيفما نتا كنتي كاتخايلهم ، منين غادي تقراه غادي تلاحظ بزاف ديال حوايج فهاد العالم لي ضاير بيك, انا كانقول اي واحد خاصو يقرا هاد كتاب ليحقاش ككنتي شرير ولا مزيان غادي تحتاجو فحياتك ، ليحقاش اي واحد ف حياتو كيتلاقا بناس مزيانين و بناس خايبين داكشي علاش لواحد خاصو يكون ديما موجد راسو و حاضي جنابو، هاد كتاب كيهضر علا السلطة او لقوة ، كيفاش تكون عندك السلطة على الناس او تبان ليهوم ديما بعيد او كلشي يبدا يحتارمك ، فيه كيفاش يلا كان عندك شي عدو تلعب بيه او تزرب عليه وتسحقو بدون رحمة ، فيه كيفاش تقدر تسلك راسك من هادوك لي كبر منك لي يلا عرفوك علاش ناوي حتا هوما ماغاديش يرحموك ، مهم هاد كتاب عبارة علا 48 قانون ، او باش زوين ماشي بضاروري تقراهم متابعين ، فلول داير تقديم ديال كلا قانون او نتا كاتختار القانون لي عجبك او كاتمشي ل جزأ ديالو او كاتقراه ، مهم كولا قانون كيقول ليك فيه بضبط وقتاش طبقو وقتاش تجنبو او وقتاش طبق العكس ديالو ، يعني كيعطيك كلشي نتا خاصك غير طبق ، او كلا قانون كيعطيك قصة حقيقية من التاريخ ديال شي واحد لي طبق هاداك لقنون ولا تفاداه او شنو وقع ليه ، مهم هاد كتاب فيه شي قوانين اوستراتيجيات شي نصائح لي بزآآف ، انا قريتو 3 دلمرات و باقي غادي نعاود ليحقاش بكل بساطة داكشي لي فيه غادي ينفعك فحياتك ، هادا من نوع ديال كتوبا لي خاصك تقراهم و حاط هداك ستيلو او ورقة ، ماشي ديال قرأة سطحية ، هاد كتاب غادي يخصك ضاروري تقراه ، يلا كنتي شرير راه غادي يعاونك تلعب ب ناس او توصل لداكشي لي بغيتي ، اما يلا كنتي مزيان غادي تولي كاتفهم ناس لي ضايرين بيك اي واحد جلستي معاه غادي تقدر تقراه و غادي تعرفو علاش ناوي ، يلا كان ناوي علا شي حاجة خايبة غادي تلعب بيه قبل ما هو يلعب بيك ، مهم كاتولي كادرس الخطوات ديالك او ديال اعداء ديالك ، لي قلب عليك غادي تكون واجد ليه ، او كيفما كيقول داك المثل من احسن تكون ديب وسط لمعز ولا معزة وسط دياب
لا يوجد تعليقات
أضف تعليق