ما نقرأه يوميا من قصص اليأس من شباب مغربي في مقتبل العمر يخليك تهضر بحرقة من أثر هذ المشكل ديال التقييم الذاتي و من نظرة الأخرين والمجتمع اللي كتادي للتفكير في الإنتحار للأسف...
من الأمور اللي كتساهم بشكل مباشر في تدمير حياة الأفراد هو الأخر و نظرة الأخر و كيفاش كيشوفني الأخر...
باش نقربو الفكرة أكثر ، فجسد الإنسان مثلا في داخله مناعة كتخدم بطريقة تلقائية ضد الأمراض و الجراثيم المدمرة و هو نفس المنطق بالنسبة للأفكار ، باش الإنسان ينجح في الحياة خاص يكون عندو واحد مناعة ذاتية قوية و اللي تحميه من نظرة الأخر... هذ المناعة كتشكل طبعا من الأفكار و المعتقدات اللي كيحملها الإنسان في الداخل ديالو و اللي تربى عليها و اكتسبها..
كاين واحد منطق زوين كيقول أن الإنسان مجموعة من الأفكار و كلما تغيرت فكرته تغير واقعه و هو نفس المنطق اللي خاص يعتمد الشخص باش يخرج من جحيم حكم الأخرين ، يعني يحاول الفرد يتحرر من الأفكار اللي كتسيطر عليه و اللي كتقوليه أن اراء الأخرين هي مرأة تعكس حقيقتك ، لأن هذا الأمر غير صحيح تماما كل واحد فينا ربي عطاه شكل معين و لون معين و فكر معين باش يكون التكامل ماشي التطابق ، أما الأحكام البشرية فعندها منطق واحد تقريبا موحد خاصة بعد انتشار الإعلام و اللي عطى صور نموذجية عن الشخص المثالي من حيث الجمال و العمل وووو...و هدشي اللي مكاينش اصلا و يعتبر ما دون ذلك شي حاجة شاذة غير مقبولة و بالتالي إلى مكنتيش خاضع لمقايسهم كون أكيد انهم سينعتونك بما يشاؤون...
كنت نحيلا ضعيفا ضخما اسود أبيض ... تقبل نفسك كشخص خلقك الله على هذ الهيئة و عطاك من المميزات ما يغنيك عن الأخرين خدم على راسك و طور من امكانياتك الذاتية و جرب متعة المغامرة في الحياة لأن مفهوم الحياة ليس مقتصرا على ما تراه انت فقط لأن هناك الأكيد وجه اخر لم تصل اليه بعد او لم تكتشفه بعد...
مصدر القوة الحقيقية من الداخل و العالم كامل يشهد قصص نجاح أناس في منظور المجتمع عاجزين أو منبوذين و لكن قاومو دوك الأفكار و خدمو على نفوسهم أكثر فأكثر تا و صلو و بعدها نفس المجتمع أصبح يذكر قصص كفاحهم و اصبح يعتز بهم...
خلق ثيقة بينك و بين راسك و خدم على ذاتك في صمت و متسناش الأخر يعطيك شي حاجة...
عندك موهبة صقلها تقاتل باش توصلها حيث الأكيد غتجي واحد الفرصة و تحقق كل ما كتمنا فقط متيأسش و مطلقش يديك من كولشي راه لحظة النجاح كتجي مباشرة بعد اللحظة اللي كتفكر طلق فيها كولشي...
الأكيد اللي فالصورة الأغلبية عارفينو و هو عالم الفيزياء النظرية ستيفن هوكينز وراه لو نظرت اليه شكلا غتحكرو و لكن راه هو يعتبر ثاني اذكى شخص من بعد انشطاين و النظريات و الأعمال اللي خدم عليها كبيرة جدا و يمكن ليكم تشوفو الفيديوهات ديالو على اليوتوب..
سبق تنشرات قصة حياته منذ ايام قليلة اللي بغا يتعرف عليه أكثر يرجع للصفحة عقول مبدعة
سمحو ليا طولت عليكم حيث الموضوع فيه ميتقال
أمسية سعيدة لجميع كرياتيفز
بقلم
لا يوجد تعليقات
أضف تعليق